Ye Oo peng ,Konetaan khua cu SAC ralkap nih mei an khangh ruang ah inndong 20 a kang,Konegyi khua zong ah SAC ralkap nih hriamngan an kah caah mipi 3 hliam an hmu
Sagaing ramthen,Ye Oo peng,Konetaan khua cu SAC ralkap nih July 24 zaan sml 7 hrawng ah khua chung ah lut in mei an khangh i inndong 20 a kang tiah khua mi nih an chim.
SAC ralkap bu nih inn long si lo in facang pawl le an caw le an na pawl zong an khangh chih. Konetaan khua he meng 1 a hlatnak Konegyi khua zong hriamngan in an kah caah mipi 3 hliam an hmu tiah theih a si.
“Zaan sml 7 hrawng ah inndong 100 hrawng an umnak Konetaan khua cu an khangh.Inn pawl cu a lak te te in an khangh i hmun kip in mei ku a chuah caah khuami pawl nih khua ning in a kang dih cang tiah an ruah.Ruah a sur ruang ah si men le inndong 20 leng long a kang” tiah khuami pakhat nih a chim.
SAC ralkap pawl Konetaan khua an phak hlan zaanlei sml 4 hrawng ah mipi vengtu phu he kahdohnak a chuak i SAC ralkap lei khawndennak a tam caah mipi inn le thil pawl an khangh hi a si tiah theih a si.(Crd.Khit Thit Media)
