Myanmar ralhraang SAC sinah bawmhnak a pe tawn tu China hriamnam company AviChina Industry & Technology Company Limited ( AviChina) sinah ah Airbus nih investment a tuah mi cu a let tthan tiah theih a si.
A tu bantuk in Airbus nih AviChina Industry & Technology Company Limited ( AviChina) ah investment a tuah mi a let than mi cung ah kan dirkamh tiah Justice For Myanmar le Info Brimanie nih June 19 ah an langhter.
Airbus lei nih Justice For Myanmar le Info Birmanie sinah Email in lehnak a tuah mi ah “ Airbus SE company nih cun Aviation Industry Corporation of China ( AVIC) i company tengnge a si mi AviChina Industry & Technology Company Limited i shar zapi cu kan zuar viar cang i an mah sinah zeihmanh investment kan tuah tilo.” Tiah an langhter.
Airbus cu AviChina sinah 5.03 Share a ngei mi a si i 2024, June 30 tiang cazin ningah Airbus nih investment a tuah mi phaisa hi $140 million a rak si.
AviChina nih an serchuah mi K-8 Jetfighter, Y-12 Vanlawng hna cu Myanmar ralhraang SAC nih kawlram chung hmunkip mizapi thah nak ding ah a hman cuahmah mi hna an si caah AVIC nih hin Myanmar mizapi thah nak ah Myanmar SAC a bawmh ti khawh a si.
