Australia Ah Nurses Pawl Nih Lam An Zawh
Febuary 14 ah Ngandamnak Vuanci le Siizung Vuantthan Phu karlak ceihhmainak a tlam tlinlo caah Nurses pawl nih thlahlawh kaiter ding le vuantthan chap ding anpi in lam an zawh.
Australia ram New South Wales(NSW) State chung i milu an tam biknak Sydney khuapi chung lamcung ah Nurse pawl cu PPE thuam i hruk in lam an zawh i mizaw le nurse buaktlak nak ding ah rianttuantu minung lakchap ding le 2.5% in thlahlawh kai ter ding an aupi.
Ngandamnak zung rrianttuantu pakhat nihcun ” Covid rai a tlun kumhnih chung ah kan nurse pawl hi lutaw hngal loin rian an ttuan i an ba tuk ” tiah a chim.
Australia Omicron hrik a karh tthan caah Australia nurse pawl caah rian a tam chin i an lungre a thei, Australia ram ah nurse nih lam an zawh hi kum 10 hnu ah a voikhatnak bik asi.
