Dr. Sean Turnell Thlah Colh Ding Ah Australia Nih Ralhrang A Hal
SAC Ralhrang nih tlaihmi NLD Cozah chan ah Daw AungSan Suh Kyi i Economic Advisor simi Australia rammi Dr. Sean Ternell a rannak in thlah colh dingah Australia Foreign minister Marise Payne nih nawlnak a tuah.
Ralhrang nih uknak an lak tlawmpal ah Dr. Sean Turnell cu an tlaih i Cozah Biathup Upadi na buar tiin sual an phawt. Biaceihzung nih a sualko a ti ahcun kum 14 tiang thongthlak khawh dirhmun i a dir .”Dr. Sean Turnell hi sualnak ngeilo nain an tlaih mi asi, an puh mi sual ohawtnak zong kan dohkalh, a rannak in thlah ding ah kan in nawl chap rih hna ”tiah Australia ramdang palai Marise Payne nih a thanhmi ah an ttial chih.
Kan hnu kum September thla i Dr. Sean Turnell biaceihzung i bia an ceih lio ah Australia Embassy lei rian ngeitu luhnak nawl an rak pek hnalo caah Dr. Sean Turnell kong ah Human Rights phu pawl an lungre a thei, Buaceihzung Zulhphung an buar awk a sili i, A sihni pawl zong Dr. Sean he duh tawk in tonnak nawl a ngeih khawh awk a si i bia an ceih lio zong ah Australia rianngei upa hna nih an ngaih le an i tel awk a si ve ” tiah Marise Payne nihcun a chim chih.
Human Rights phu hna le Zatlang Bu tampi nih Myanmar ram uknak latu ralhrang cung ah phihkharnak tuah ding ah January ahkhan Australia Cozah sin ah nawknak an
tuah.
Ref: RFA
