December 2, 2021
UN ah ram ca aiawh sok mi chung in Afghanistan ram le Myanmar ram kong pehtliah in bia khiah nak cu an thawn tiah committee sin in theih asi.A ruang cu Taliban le Myanmar uk nak lak mi council ralkap cu UN ii ram ca aiawh tuan ding ah an ngah lo.
Aluan cia thla ah mi fim thiam pawl nih an tuak mi bia khiah nak an thawn mi lam chung in U Kyaw Myo Tun cu an mah UN ii Myanmar aiawh ah atuan rih ding asi.
Afghanistan le Myanmar ii an tuah mi thil sining ruang ah thawn ding in bia khiah nak kan ngeih tiah committee phu ii chairman rian tuan mi Sweden aiawh tu Ms.Karan Ernestrom nih a fehter.
Afghanistan ah thimh nak cozah cu Taliban nih ral doh bantukin voi khat nak a chuah hna ii ram cu a uk lio UN ah ram ca aiawh ding bia khiah nak cu kum 5 tiang an thawn ,cun UN thutdan zong Taliban pawl cu an ngah lo tiah theih asi.
A tu Myanmar kong ah NUG nih ram ca aiawh ah an sok mi cu an cohlan cu si lo nan tein ,a tu thil sining ah NUG hen abawm mi U Kyaw Myo Tun cu UN thutdan ah a thut mi hi council ralkap caah a har ngai ngai mi asi.
