Magway ramthen,Gangaw district, Saw peng, Kyauk-Htu pawng a um mi Akyi-Palone khuate ah SAC nih nizan May 9 ah khan Pound 500 bomb a thlak caah tualchungmi 20 tluk an thi i 30 tluk nih hliam an tuar tiah theih a si.
“A tu hi ruak pawl kan char cuahmah lio a si,SAC bomb ruangah a thi mi he bomb kahnak in mei a kang mi ruangah a thi mi he an zapi minung 20 tluk an si,hliam tuar zong 30 tluk an si. fiang set cun thaizinglei ah aa thei te lai” tiah Yawalindan rianngeitu pakhat nih a chim.
Thawngpang tha lo kan theih cu a poi ko,a thi le hliam an tam ngai ngai,bomb a thlak nak hi Phungki sianginn ah a si i sianginn zong cu a kaang viar.kanmah zong thinphang thlalau in kan um ko.a tu tiang cu khua ah cun phone line an phih viar tiah Kyaukhtu khuami pakhat nih a chim ve.
