Ralhrang Nih Tlaihmi Chin Mino 3 Nih Ralhrang Meithal Zuun 2 An I Zaampi
Chinram, Kanpalet khua ah ralhrang nih an tlaihmi hna mino 3 nih tuni, November 17 zing slm 4:00 hrawng ah ralhrang meithal zuun 2 an chuh hna i an zaam kho tiah theih asi.
Ralhrang hna nih Chin mino 3 hna hi phaw caah an hman hna i Paletwa khua in Saw khua lei an kalpi hna lio lampi in an zaam khawh hi asi.
” Kanpalet Thelpak Phu in mino 2 khuachung an luh lio hna ah an rak tlaih hna nak nithum hrawng si cang. Cun pakhat hi SAW PDF nih lamhmuh saktu ah an hman tiin ralhrang nih an tlaih i thla 3 thong an thlak cangmi si. An pathum in thong cun an chuah hna i Kanpalet in Saw lei ah ralhrang 60 tluk hmai ah an kalter hna, Lampi ah ralhrang meithal zuun 2 an chuh hna i an zaam kho ”tiah Mindat- CDF ttuanvo ngeitu pakhat nih a chim.
#Mizzima
