Pulaw(ပုလော) ah SAC ralkap an umnak Pawat Kone(ပဝတ်ကုန်း) khua cu PDF tantiphu nih an doh hna,Yesagyo ah SAC ralkap nih an zulh mi inn hman mi mawtaw bom an puah
Taninthayi ramthen,Pulaw peng,Pawat Kone khua ah a um mi SAC ralkap cu Pulaw-PDF le tantiphu nih July 13 ni zing 4:40 ah an doh hna i SAC ralkap 10 leng hrawng an thi tiah Pulaw -PDF sinin theih a si.
Cu kahdohnak cu Nan Htite Aung tiin auh i kan doh hna hi a si.Kap hnih kar kahdohnak a fak ,chun 12 hrawng ah kahdohnak a dai.Tantiphu lei in 3 an nunnak a liam i SAC ralkap lei in 10 leng an thi tiah Pulaw PDF nih cathanh an chuah.
Cun Magwe ramthen,Yesagyo peng,Zee Kone(ဇီးကုန်း) khua le Sin Chaung(ဆင်ချောင်း) khua kar khua lam a pehnak Latgyi (လက်ကြီး) hei pawng ah SAC ralkap an i telnak inn hman mi mawtaw 1 cu mipi vengtu phu nih July 13 chun 2:30 hrawng ah bom 2 an puah hna i SAC ralkap 1 a thi,6 hliam an hmu tiah theih a si.
Cu kahdohnak cu K.N.T guerrilla force,Yesagyo-PDF,N-YSO guerrilla,Myaing Rural Guerrilla Force,Steel Hawk,PDF-Myaing Township phu i fonh in an doh hna.Bom an puah hnu ah Hin Tha Pyu(ဟသင်္ာပျူ) sakhaan in mawtaw 2 he bawmh ding ah an ra i MM 60,MM 40 hmang in ruahpadap in pawngkam an kah nain mipi vengtu pawl him tein hnu an kir kho tiah theih a si.(Crd.Khit Thit media)
