CBN News, 5 May 2021 : Myanmar ralkap nih hramhram in cozah uknak an lak hnu ah Myanmar phaisa KYAT (MMK) man nih ni fatin niam lei a panh peng. Myanmar Bank dangdang zong ah riantuantu hna CDM ah an luh ruangah thathi in an i ong kho loh, ATM ah phaisa thoh duh zong ah thoh khawhzat tuk piak an si ruangah duh herh zat thoh khawh a silo.
Mipi tam u nih cozah riantuan ning an zoh tik ah phaisa i khon nakin Sui (Gold) i chiah ret a him deuh ah an ruah ruang ah khawpi lei ummi mipi tam u le chawlet hna nih Bank note phaisa i chiah nakin Sui i cawk on i ikhon cu a tha deuh ah an ruah cang.
Atu hrawng hi Rangoon le Mandalay khawpi i Sui zuarnak dawr hna cu an i khar lio a si ruangah Sui cawk a duhmi tam hna hmanh sehlaw Sui cawkding a van silin lio a si.
Myanmar ah local gold rate kai lei a panh, Local gold rate (Sui man) kai lei a panhnak ruang hi Vawleicung (International gold rate) sui man a kai ruang ah a si, Myanmar zongah local gold rate kai lo awk a tha lo, a ruang cu Vawleicung market rate hi US$ 1700/Oz a si cang. Myanmar phaisa thlen rate foreign exchange hi 18% in a niam cang, US dollar $1 hi MMK 1600 hrawng a si.
Biachawkvak ummi ah, Myanmar Bank note hman lio mi MMK 5,000 note le 10,000 note hi thihter in Kyat 20,000 note thar chuah than ding timhlamhnak a um tiah biathli chawkvak a um.
MMK phaisa note thihter i note thar chuah than a si ah cun MMK phaisa man hlutnak (value) a niam hrimhrim lai.
Economics le Banking lei mithiam sang le Bank staff hna nih CDM lut in ralkap cozah an doh chung cu phaisa lei ah mipi harnak ton dingmi hi a fiangmi a si.
(Today 5th May 2021, gold price in Myanmar for 24 karat gold is 896,759.00 Myanma kyat per 10 grams. Live 24k and 22k Gold price in MM)
CBN News
