International Holocaust Day Europe Ah An Tuah
Jews miphun pawl a tomtom in an rak thah hna ning ” Holocaust” bantuk a can tthan lai dingmi hi thinphang tuk asi tiah UN lutlai simi Antonio Guterres nih January 27 ah tuahmi ”International Holocaust Day” philhlonak tuahmi ah a chim.
1945 kum ah Poland ram ”Auschwitz – Birkenau” thonginn ah a um mi thongtla pawl luatnak ding ah Soviet Russia ralkap pawl nih an rak tuah piakmi hna January 27 cu ”International Holocaust Day” ah kumtin tuah siseh tiah 2005 ah UN General Meeting ah bia an rak khiahmi asi.
Vawleicung ralpi 2nak ( WW-II) lio ah Jews miphun 1.1 million an rak thah hnanak hmun Nazi ralkap nih thonginn i an rak hmannak hmu zong ah ”International Holocaust Day” cu an tuah ve i France Vuancichoh Jean Castex zong nih a tel pi hna.
International Holocaust Day cu Europe ram hna ah an tuah hna i Europe ramchung ah thahnawn a rak tongmi Jews miphun hna philhlonak ah Berlin khuapi ah Zuun ngaih Par an chiah hna i cu philhlonak ahcun Germany Vuancichoh Olaf Scholz le President Steinmeier tel in Israel Hluttaw Chairman Mickey Levy hna an i tel tiah VOA nih a ttial.
