Gangaw Peng Ah Ni 2 Chung Ah Ralhrang Nih Inn 200 Leng An Khangh: Mipi 10 An Thah Hna
Magwe ramtthen, Gangaw peng chung ah ralhrang le Pyusawtthi nih ni 2 chung lawng ah mipi 10 tluk an thah hna i inn 211 an khangh riah Gangaw peng mipi ukhruaitu hna nih thawng an thanh.
Ralhrang le Pyusawtthi hna nihcun February 28 le March 1 hna ah khuate cheukhat an luhhnawh hna i Shwebo khua le Kantu khua ah inn 26 , Tindaw khua ah inn 147 hrawng ,Minta khua ah inn 2 le Kung khua ah inn 36 an khangh hna tiah theih asi.
Thah a tongmi mipi 10 le inn an khangh mi zat hi tutiang hngalh khawh tawk lawng a si rih si a tu nakin a tam deuh kho tiah Gangaw mipi ukhruainak phu nih a thanh.
