Thailand-Myanmar ramri hna in phungninglo in Thailand ram a lut Myanmar minung 400 tluk tlaih an tong cang tiah ramri ah rianngei tu U Moe Kyu nih BBC ah a chim.
“Phungninglo in a lut i tlaih a tongmi hi thlakhat le thlakhat aa khat lo,SAC nih ralkap luh ding phung a chuah hnu in a rak lut mi an tam chin chin” tiah a chim.
SAC nih ralkap luh ding phung a chuah hnu in Myanmar ram a chuahtaak duh mi an tam caah phungning lo Thailand ram kalnak a tuah tu Agent hna zong a man an kai ngai i minung pakhat ah Kawl phaisa Sing 10 in Sing 30 karlak a dih tiah theih a si.
A tu bantuk in phungninglo Thailand ram alut mi hna cu tlaih an ton tikah ni 45 thong thlak a si loah thla 3 thong thlak khawh an si pin ah Thailand ram Human Trafficking Law ningin thong thla 4 in thla 6 tiang thlak khawh thiam an si.
