”Chin” Timi Ah I Funtom U Law Ral Doh Uh: CYMA Chairman
=== ==============================
Ralhrang uknak a dohtu Chin miphun hna nih Lai, Zo, Mara tiah miphun tteng nge ah dir loin ”Chin” timi ah i fun dih in ral nan tukding kan duhsak piak hna tiah Central Young Mizo Association (CYMA) Chairman Pu R. Lalhmgeta nih a chim.
Chin ralkap pawl le ralhrang kahdohnak ruang ah Mizoram, Zokhuathar lei ah a rak i dormi Falam peng Rihkhuadar le pawngkam khuami ralzam caah bawmhnak an va pek pah ah April 2 ahkhan CYMA Chairman nih a tu bantuk in a chim hi asi.
”Democracy a duh i ralhrang a doh cuahmahmi kan unau Chin miphun hna, Mah miphun ttengnge ttanhhleinak lungput ngeilo in, Chin timi lungput in lumgrual tein hmunkhat ah raldohtti uh tiah forhfial le nawlpat kan duh hna ” tiah CYMA Chairman nihcun a chim.
CYMA nihcun Zokhawthar ah a rak i dormi ralzam 5000 hrawng sin ah facang bag 200 pin ah thlam saknak muka rupee ting 3 man an bawmh hna, Champhai District YMA nih an phawtzamh lai.
YMA hi Mizoram ahcun Cozah a si lomi Association lak ah a nganbik a si i Ralzam caah bawmhnak an pekmi dihlak Rupees ting 55 leng asi cang.
