Chin Ramkulh chung Ni 10 chung kahdoh nak Ah CDF lei 12 Le Ralkap 40 nak nak Tam An Thi
CDF-Mindat le ralkap kar kah deih nak nei dingin June 20 in thla 1 chung hrawng kahdoh rih lo ding in biakam nak an nei na in July 21 nithawk in kahdoh nak an thawk than.
Kahdoh nak ruangah July 21 thawk in 30 tiangah CDF-Mindat mi 6 an thi, CDF-Matupi mi 5, CNA mi 1, an zaten mi 12 an thi. Hliam tuar 8 hrawng an um nan caan rau lo te ah an dam than. Ralkap lei in minung 40 hrawng an thi i hliam tuar zong zeimawzat an um tiah kan theih.
Chin ramkulh chung ah CDF le ralkap pawl hi ni 10 chung ah hmun dangdang ah voi tam nawn an i kap. Ralkap lei thazang cak dingin ralkap le ralthuam an kuat peng. July 30 niah ralkap thazang chap rih dingin Magway ramhen ကျောက်ထု airport ah helicopter vei 2 a um i ralkap motor 4 a phan than.
