Sagaing ramțhen, Chaung Oo peng A Myint khua hlun ah PDF nih rit hai sii zuar mi le a hmang mi an tlaih hna kong May 21 ah thawng an thanh.
Rit hai sii hmang mi an check hna i an sualnak an hmuh hna caah voi 5 an tuk hna i thut dir voi 300 tuah ter nak in an hrem hna.
A zuar tu cu a zam caah ဗန္ဓုလ le a phu pawl LDF, Farmers Revolution Force FRF le CHU battalion nih an hlethlai i zaan lei sml.5 ah an tlaih i voi 10 tuk le sml.1 tluk rau thut dir ter in sual an phawt ve.
“Mizapi i thawngpek nak in tubantuk in kan tlaih khawh hi a si. Hmailei zong ah rit hai sii a um lo nak dingah a si khawh chung in kham nak caah timhtuah nak kan nei” tiah
ဗန္ဓုလ le a phu pawl chungtel pakhat nih a chim.
Chaung Oo peng chungah rit hai sii zuarnak le hman nak a karh nain SAC lei nih a zizuk a um lo tiah a chim.
Rit hai sii zuar le a hmang mi tlainak ah Monywa Lightning PDF၊ Chaung Oo peng တော်လှန်ရေးတပ်၊ Monywa Peregrine PDF ၊ Black Wold Defence Force ၊ Chaung U Local Defence Force ၊ Black Eagle People’s Defence Force ၊ Monywa Brave Hearts MBH ၊ Dragon Brother’s PDF an i fonh hna kong theih a si.
Rit hai sii hmang mi an hman ti nak hnga lo caah bawmhchanh le cawnpiaknak tuah timh a herh nain khuachung thawngpang a dai tuk rih lo caah tuah a si kho rih lo kong pdf chungtel nih a chim.
Cu pin ah Monywa peng ညောင်ပင်စောက် sang um SAC chuah mi Amdaman Gold beer a zuar mi dawr pawl May 15 ah မဟာမိတ် ပူးပေါင်း phu nih an check i an tlaih mi beer poh a hmun lila ah an hrawh kong theih a si.
