British F-35B Jet Fighter Pakhat Mediterranean Rili Ah Tla
British Jet Fighter, F-35B pakhat cu a zuan cuahmah liopi ah Mediterranean rili ah a tla diam tiah BBC nih langhter.
Zeiruang ah a tlak ti an hngalh lo caah an hlathlai cuahmah liopi asi.
British ram runvennak Vuanci zung nih a thanh ning ahcun caankel tein a rianttuanmi a ttuan cuahmah lio ah a tlak hi siko.,Vanlawng mawngtu cu himdam te’n a zuang manh i Navy ralkap vanlawng phurtu HMS Queen Elizabeth ah himdam tein a tla kho tiah thanh.
Vanlawng hi a zuan tlawmpal bak ah a tlak colh hi asi tiah British Runvennak vuanci nih a chim i a tlaknak a ruang kan hlat cuahmah lio asi caah zeiruang ah a tlak timi cu ka chim kho rihlo , HMS Queen Elizabeth in caankel in vanlawng pawl cu vanlai ah zuang in training an tuah peng tthiam lai tiah a chim chih.
HMS Queen Elizabeth ah UK ngeihmi F-35B Fighter 8, American Marraine ralkap ngeihmi 10 an um hna i F-35B fighter hi British nih a ngeihmi Fighter ah a tthabik le a man tam bikmi si i pakhat ah £100 millions tluk asi.
Hi F-35B fighter pawl hi saupi i tlik ta loin a zuang kho colh i Helicopter bantuk in hmakhat teah a ttum kho colh, A thawng nak ramg deuh in mawngh khawh a si caah ”Pumtlau vanlawng” ti hmanh in an auh phahmi asi.
#BBC
