Sagaing ramthen,Ayadaw peng hrambunh No.10 SAC ralkap training sianginn lei panhin a rak kai mi hna cu dothlennak ralkap nih an kah hna caah SAC captain pakhat telh in 20 an thi tiah No.1 Military Rigion nih an thanh.
April 12 ah Monywa in Ayadaw lei panh in ralkap training a kai ding minung 250 a phur tu ralhraang motor thluan cu Kan-Phyu khua an phaak ah dothlennak phu hna nih an rak kah hna caah SAC captain 1,training a kai mi 20 an thih leng ah 15 tluk nih hliam an tuar.
Cu leng ah SAC ralhraang motor 3 a rawk i Lt.colonel pakhat,Sergeant pakhat,Corporal pakhat, Sport Science in pakhat hna le training a kai ding minung 45 cu a nung in an tlaih hna.
Cu kahdohnak ah meithal zun 7,kuan phunphun 5,500,Bomb lung 80,RPG-7 kuan lung 10,Mine phunphun lung 70,Jammer alian mi pakhat,kuan bawm 7,Detonator 50,kuan kham lukhuh 3,butkedent 20,Equipment 1,Bag 1 le File 88 hna an laak.
Cu kahdohnak cu Monywa district battalion 6,19,24,Monywa district Commando phu,Monywa district hriampi phu,Ayadaw peng Pa-ka-phah,Ayadaw peng Taitne-11 pa-ka-phah,Meiktila district battalion 2,Danger Force LPDF,LPDF le Special Revolution Force LPDF hna i bawm in an tuah mi kahdohnak a si.
