Philadelphia ah a um mi Software Engineer pakhat nih 1990 kum hrawng in a rak thawk mi 100 MOST BEAUTIFUL FACES LIST timi hi nihin tiang kumkhat dongh paoh ah a lar lengmang mi a si. Tukum 2020 zong ah vawleicung ah Pa hmaifang dawh bik le Nu hmaifang dawh bik timi an thin lengmang. Hi a thim tu phu hi TC Candler and THE INDEPENDENT CRITICS ti mi phu an si.
Tukum 2020 ca ah vawleicung nu ah hmaifang dawh bik nu tiah an thim mi cu Korean-American hlasakthiam Nancy Mcdonie timi nu a si. Hi nungak nute hi 2000 kum chuak a si i, ai chaihsaling te a si.
Nancy Mcconie hi Momoland timi hlasa phu ah ai tel mi a si. Hla zong a sa pah. A laam zong a laam pah. TV ah host zong a tuan pah leng ah lemcang fidi zong a tuan pah ti a si. Nancy hi anu Korea miphun a si i, a pa hi mirang (Irish) a si. US ah a chuak i, US ah kumruk hrawng a um hnu ah Korea ah an i thial.
Nancy hi hlasak a thiam ngai mi awtha aa ngeih ca ah 2011 ahkhan Korea’s Got Talent ah a rak i zuam bal. Ai zuam ahhin a group he an i zuam i, semi-final tiang an rak kai bal. Cu hnu cun TV le interview ah a lang lengmang.
2010 in 2020 tiang ah Korea TV mizoh bik mi ah voi 16 tiang a lang i, zuamnak a luh chel, host a tuan chel, hla a sak chel tiin a phunphun in a lang. A tulio ah cun Momoland timi hlasa phu he an min a than lio te a si. A hmaifang nih ai dawh, hlasak nih a thiam, a aw le a tha, laam le a thiam fawn. Cu ca ah 2020 vawleicung hmaifang dawh bik ah TC Candler nih a thim mi hi thim phu bak a si an ti cio.
TC Candler nih 2020 vawleicung hmaifang dawh bik nungak a thim mi 100 chung ah Kawl mi lemcang Khin Wint Wah cu 60 nak ah thim a si. 2020 Pa hmaifang dawh bik zong ah Kawl lemcang le hlasakthiam Paing Ta Khone ai tel ve.
Source: TC Candler
