Zotung Peng, Ni 10 Chung Kahdohohnak Ah Council Ralhrang 18 An Thi, CDF-Zotung in 1 A Nunnak Liam ,2 Hliamhma An Tuar.
=========================================
January 19, 2022
Chinram, Matupi khua in a rami thazaang 100 hrawng council ralkap le CDF kar cu January 9 in 18 tiang kahdohnak voi 11 a chuak. Council ralkap 18 an thi ,CDF-Zotung lei in 1a nunnak liam i 2 nih hliamhma an tuar tiah theih asi.
Zotung peng chung ah a rak lutmi council ralkap pawl nihcun mipi inn pawl le cycle pawl an hrawk .Council ralkap le CDF-Zotung,CNA,YDF,PDF-(Yaw) CDF-Hakha,CDF-Zophei,CDF-Matupi ,CDF-Lautu,CDF-Senthang kar kahdohnak a chuak tiah CDF-Zotung nih cathanh an chuah.
Zotung peng chung kahdohnak ah ralzaam 3000 leng an um cang.Ramri ah ralzaam 400 leng an phan cang.Mipi nih a si khawh lo tuk in an kal ah cun thawngthanh cia ding in CDF-Zotung nih an nawl hna.(Ref:Khit Thit media)
