Yee Peng ,Thaton le Kya In Seik Gyi ah council ralkap 10 an thi ,12 nih hliamhma an pu .
=============================================
January 25, 2022
Yee Peng ,Thaton peng le Kya In Seik Gyi (ကြာအင်းဆိပ်ကြီး)ah council ralkap phu pawl cu PDF le KNLA nih an kah doh hna. Ralkap 10 an thi ,12 nih hliamhma an pu tiah PDF nih cathanh an chuah.
Mon ram .Thaton peng ,Moekaung(မိုးကောင်း) khua le Potimyo (ပုတိမ်ထီး)Khua kar Yangon – Mawlamyine lam chung ah tuni January 25 zinglei sml 1:30 ah council ralkap motor cu bom in an puah hna.Ralkap 4 an thi, 4 nih hliamhma an tuar tiah kan theih.
KNLA brigade 1 battalion 2 phu le PDF nih an kah doh hna.Hliamtuar nak um lo in hnu lei ah an kir tiah Tatun –PDF sin in kan theih.
Council ralkap phu nih pawngkam ah minute 10 chung an kah.Ngakchia pakhat a ke ah meithal kuan nih a ken tiah khuami sin in kan theih.
January 24 ah Karen ram,Kya In Seik Gyi peng Tagay (တဂေး)khua ah council ralkap pawl cu KNLA battalion 17 nih an kah doh hna .Council ralkap 2 an thi ,3 nih hliamhma an tuar tiah theih asi.
January 24 ah PyuSawHtee phu a thi mi a rak check tu phu cu YGF nih bom in an doh hna.Council ralkap kuttang palik 4 an thi ,5 nih hliamhma an tuar tiah YGF nih cathanh an chuah.
“pyurasin cu zanlei sml 3:45 ah ram rungven nak an tuah.Athi mi phu a rak check mi phu cu kan hngak hna ii sml 5:50 ah bomh in an doh hna ’’ tiah YDF nih Yangon Khit Thit ah an chim.
Council ralkap i hlathlai nak phu cu Yee peng Kalaw le Chaung Taung kar ah YGF phu nih an hngah cia hna ii an kah doh hna.
‘palik 4 an thi ,5 nih hliamhma tuar bu in an tlik.Zan sml 11 ,12 ah pathum an hmuh hna.pahnih cu an tlau rih tiah an chim ’’ tiin YGF nih Yangon Khit Thit ah a chim.
Cu bom in kah doh nak ah YGF phu cu Hliamtuar nak um lo in hnu lei ah an kir kho tiah theih asi.(Ref:Khit Thit media)
