CBN News, 10 Oct 2020: Vawleicung ah cawnnak sianghleirun a tam cang, fimthiamnak a karh, Degree phun a tam, mah ruangah midang mithmuh le ruahnak ah cawnnak a ngeilo mi le Degree a ngeilomi hna an hmuhning ai dang cang.
Phaisa kawlhawl nak ah chawlehnak phun phun a um bangin cheukhat nih cozah le nawlngeitu theihpinak tello in pawcawmnak ah lamsir i cawnnak pakhat khat pumpak in a dirhtu zong an tam cang.
An fimthiamnak chawrchem awk tlak tunglo in Degree sangsang Certificate a ngeimi zei mawzat hmuh le theih an si, cu hna lak ah cawnnak ngei tung lo i phaisa hmangin graduation certificate sangsang a cawtu zong an rak tam.
India ram ah cu bantuk certificate sangsang fawite i ngah khawhnak University deu (Fake University) pawl cu University Grants Commission (UGC) nih hlathlainak a tuah tik ah University deu 24 cazin a lak.
UGC secretary general Rajnish Jain nih a chimning ah hi Fake University deu cazin lakmi hna hi UGC act nih a cohlan lomi an si i Degree an pekmi hna zong cohlan khawh an silo tiah a chim.
Fake University hi India ramchung ah Utter Pradesh state ah a tambik i a changtu ah Delhi a si.
India ramchung University deu (Fake University) hna cu:-
Uttar Pradesh : Varanaseya Sanskrit Vishwavidyalaya University, Varanasi; Mahila Gram Vidyapith University, Allahabad; Gandhi Hindi Vidyapith University, Allahabad; National University of Electro Complex Homeopathy, Kanpur; Netaji Subhash Chandra Bose Open University, Aligarh; Uttar Pradesh Vishwavidyalaya University, Mathura; Maharana Pratap Shiksha Niketan Vishwavidyalaya University, Pratapgarh le Indraprastha Shiksha Parishad University, Noida hna hi Uttar Pradesh ramkulh chung ah University deu um mi an si.
Delhi : Commercial University Ltd, United Nations University, Vocational University, ADR Centric Juridical University, Indian Institution of Science and Engineering, Vishwakarma Open University for Self Employment le Adhyatmik Vishwavidyalaya (Spiritual University)hna hi Delhi i Fake University cu an si.
West Bengal : Indian Institute of Alternative Medicine, Kolkata; Institute of Alternative Medicine and Research, Kolkata.
Odisha : Nababharat Shiksha Parishad, Rourkela le North Orissa University of Agriculture and Technology.
Puducherry : Sree Bodhi Academy of Higher Education.
Andhra Pradesh : Christ New Testament Deemed University.
Maharashtra : Raja Arabic University, Nagpur.
Kerala : St John’s University.
Karnataka : Badaganvi Sarkar World Open University Education Society.
Khi a cungi langhtermi hna khi University deu an si i an sianghleirun in degree le certificate pawl cu UGC act nih a cohlan lo mi an si.
CBN News
