Shan ram chaklei, Kutkai khua um Northeastern Command sakhaan cu January 8 zinglei ah TNLA nih tlamtling tein an lak.
Khua nithlak lei ah a um mi byuha sakhaan zong TNLA hruainak in dothlennak phu pawl nih an kah hna caah hriam chiah in a sung an pek.
TNLA lei nih hmunhma zohfelnak an tuah i ralkap lei nih hriam tampi a thli tein an thuh bantuk in cheukhat an hrawh.
Northeastern Command hmunhma an khuarnak ah LIB 241, 242, 45 le No. 347 hriamngan ralkap hna nih himnak an lak.
Khua hmunhma a cheu leng ralkap nih hmunhma an khuar i hriamngan le Helicopter tual pawl a umnak cu TNLA nih an lak khawh caah Kutkai khua ning in an uk khawh hi a si.
TNLA lei nih Kutkai khua hi a pasarihnak an lak khawh mi khua a si i Ta’ang hmunhma um Namhsan khua le Manton khua leng ah Namhkham, Namtu, Mongngawt le Monglon khua hna cu Operation 1027 in an lak khawh cang.
