Tuluk –Myanmar ti lei humhimnak training tuah ding in tuluk raltuknak tilawng 3 cu nizan November 27 ah Yangon Thilawa port an phan tiah theih a si.
Tuluk ti ralkap bawi Captain pakhat nih hruai in ralkap 700 tluk cu Zibo tilawng,Jing Zhou tilawng le Qian Dao Hu tilawng pathum he Yangon an rak phak hi a si.
Cu Tuluk ralkap hna cu Yangon khuachung hmun lar deuh ah an len hna lai i lentecelhnak zong an tuah lai tiah SAC thawng thanhpiak tu media cheukhat nih an langhter.
Shan ram chaklei kahdohnak a fah cuahmah lio November 25 thok in Tuluk-Myanmar ramri ah tuluk ralkap hna nih kuan taktak hna hmang in humhimnak training an tuah fawn.
Myanmar ramchung buaibainak cu a ran nak in daih ter ding in Tuluk ralkap PLA nih November 26 i cathanh an chuah mi ah an forhfial.
Aluancia November 7-9 kar zong ah khan Thanintary ramthen rili ah Myanmar le Russia ti ralkap hna hmunkhat ah training an rak tuah cang.
