Thaketa peng, U Paing Hotel hmun chung cu bomb an puah,palik sen hinh pakhat zong meithel in an kah that
Yangon ramthen,Thaketa peng,U Paing Hotel hmun chung ah nizaan August 10 zaan sml 7 hrawng ah bomb an puah hna tiah khuami nih an chim.
“Cu hmun chung cu inn he a hlat pah nain bomb puah thawng cu a thang ngai.Inn pawl zong a hning dih.Ruah zong a sur caah mi pawl leng an chuak lo nain SAC ralkap lei cu lam cung ah ral ven in checknak pawl an tuah” tiah khuami pakhat nih a chim.
Yangon khua chung guerrilla phu (Soul Takers) nih cu Hotel hmun chung cu ri khiah bomb in kan puah tiah cathanh an chuah.
Cun nizaan chun ah Thaketa,10 taung sang,Suh Htuupan phungki umnak inn pawng ah cycle ကယ်ရီ mawngtu pakhat meithel in an kah.
Yangon dohthlennak phu nih cun Thaketa palik sakhaan ah cycle ကယ်ရီ mawngtu ban tuk in a um mi palik sen hnih pakhat cu mei thel in kan kah that tiah cathanh an chuah.(Crd.BBC Burmese)
