SuanPian Khua Ralhrang Nih Vanlawng In A Kah Caah Khuami Nih Khua An Chuah Tak
Kachin ramkulh, Potao peng Suanpian khua cu ralhrang nih Jet Fighter in bomb in a kah tuk caah khuapi tein ramtang ah na zaam tiah theih asi.
Ralhrang vanlawng a ra lai timi kan theih caah Kum 8 a timi ngakchia le Kan chungkhar a a tai ah hliam a tuarmi le tiin ramtang ah kan zaam i kan i thup ko tiah tualchungmi pakhat nih an i thuhnak kong a chim.
” Zeihmanh a umlo, Thil puan siseh, Eidin siseh pakhat hmanh kan i kenlo, Ihnak ding hmun zong a um lo, Kan i hrukmi kan thilpuan zunkhat cio he thinkung tang ah kan i dor ko hna ” tiah a chim chih.
Febuary 3 ah ralhrang nih Jet Fighter in a kah cang hna caah Suanpian khua inn 5 a rawk cang i khuami nu 4 le pa 1 hliam an tuar cang i an hliamhma a fak tuk lo mi cu khua ah an thlop hna i a zual deuhmi 3 tu cu Nizaan inkhan Myitkyina sii-inn ah an kalpi colh hna.
Tutan khuapi tein an zaamtakmi Potao peng Suanpin khua hi inn 200 hrawng an si i minung 1000 tluk an um.
Ref:: Kachinwaves
