raltuknak vanlawng pakhat cu zaan ah lamhla ah zuangin training a tuah nak ah ruanlo piin radar in a tlau i pehtlaihnak kan tuah kho lo tiah SAC nih an thanh.
Cu vanlawng cu July 1 zaan ah khan Naypyidaw in nichuah thlanglei kilomitre 130 tluk ah radar in a tlau hi a si i nikhua chiat ruangah a tubantuk thil a can hi a si kho i kan kawl cuahmah lio tiah an langhter.
A tu a tlau mi vanlawng hi zeibantuk phun dah a si timi cu SAC nih a langhter lo nain SAC nihin chanhlun Russia vanlawng Su-30 le a tthingttal deuh cang mi vanlawng zong a hman tawn.
2025 chung ah SAC raltuknak vanlawng le helicopter 3 a tla cang i June 10 ah Pale peng, Kandaut khuate ah a tla mi vanlawng cu tukum chung operation a tuah lio ah a tla hmasa bik a si.
SAC nih hramhram in uknak a laak i dothlennak a chuah hnu 2021 hnu in SAC raltuknak vanlawng 12 nak tlawmlo a tla cang i cu chung ah a tamdeuh cu KIA nih an kah mi a si.
