SAC Ralhrang nih Vanlawng in Lungler a kah hnu in, Mizoram ah Ralzam 2000 renglo an phan
Chinland Defense Force nih Thantlang peng Lungler SAC Ralkap Sakhan an kah hnu in, SAC Ralhrang nih Lungler khua kahdoh nak ah Vanlawng a hman ruang ah, India Mizoram ah chungkhar in a lut mi 2000 renglo an phan tiah India ram media cheukhat nih an chim.
Hi Ralzam mi hna hi a tam u cu Hnahthial District chung ah mi 1500 hrawng an um tiah theih asi, hmun dang dang zong ah an um len rih.
