Tanintharyi ramthen,Dawei district,Launglon peng, ah SAC ralhraang pakhat nih Kan Ngyo Kyun khuate i tarnu kum 70 a si cang mi cu a tu le tu te in a tlaihhrem tiah Rosy Women’s Union – RWU nih nizan June 26 ah an thanh.
SAC ralhraang hna cu a luancia June 14 khan Kan Ngyo Kyun khua ah an rak lut i June 24 tiang an um caah khua mi hna cu ral an hrial viar i a ngan a dam lo mi a pasal zohkhenh dingah a taang mi tarnu kum 70 a si cang mi cu SAC ralhraang pakhat nih hi ti a tuahto hi a si.
SAC ralhraang pakhat nih cun kum 70 a si cang mi tarnu cu a pasal hmuhhngan ah a tlaihrem pin ah nihnih chung ah hin voi 5 tiang a tlaihhrem tiah RWU nih cun an langhter.
Cu bantuk in mi tlaihhrem a hmang mi pa cu kum 40 leng minung a si i a min ah Phoe Che tiin an auh thawng ka theih tawn tiah tlaihhrem a tong mi nu nih a chim.
A tu bantuk tuksapur ngai in tuahto a tawng mi tarnu cu taksa le lungthin lei ah a tuar ngaingai i biatak tein zohkhenh a hau tiah RWU nih an langhter fawn.
SAC ralhraang hna nih hin an hriamnam bochan in Myanmar ram chung ah an tlaihhrem i an thah beh mi hna zong hi an tlawm ti lo.
