Tutluk tawlrel piaknak in January 11 zaan thok in caan karlak kahdohnak ngol ding in SAC le Ttangti phu 3 hna karlak ah hnatlaknak ngeih a si nain. Nihin January 13 zinglei sang ah SAC nih ralhmai an nor caah Kahdohnak fak ngai a chuak tiah ttangti phu 3 nih an thanh.
Nihin January 13 zinglei slm 9:18 tluk ah Kyaukme SAC 501-502 sakhaan cu SAC ralkap hna cu thazaang tampi he TNLA umnak lei ah ralhmai an nor caah kaphnihkar kahdohnak fak ngai in a chuak.Slm 2 chung kahdohnak a chuah hnu ah TNLA nih hmun kan khuar nak Hill of Peace cu zapi hna harnak an ton lai phan ruang ah kan chuahtaak chung tiah an langhter.
Nizan tihni January 11 ah minthut mi kahdohnak ngol ding timi cu SAC nih langsar tak in a buar a si i a tutan he cun a voi hnih nak a si cang .nizan zong ah SAC nih PSLF/TNLA umnak Moekok,Kyaukme le Lashio hna ah hriampi a kah tiah an langhter chih.
