S. Korea Nawl Ngeitu & President Hlun Chun Doo- Hwan A Thi
S. Korea uknak nawl ngeitu le president hlun simi Chun Doo-hwan cu tuni, November 23 ah a nunnak liam tiah S. Korea thawngzamh pawl nih an ttial.
Mr. Chun Doo-hwan cu President dirhmun in 1983 ah Myanmar ram a rak phan bal i cu lio ah N. Korea agent nih thah an rak timh nain a rak luatmi asi.
Mr. Chun Doo-hwan nih 1979 kum ah S. Korea ah uknak a lak i President amah nih ttuan caah S. Korea President 11nak zong a si.
Amah President kum 8 a ttuan chung ah S. Korea cu chawlehnak ah a tthangcho ngai nain ramkhel lei ah hremnak le phihkharnak a karh taktak.
1983 Kum Myanmar a rak rat lio ah Martyr thlan ah zuun ngaih par chiah lio ah N. Korea nih thah an rak timh i, Martyr hall chung i ” Zuun ngaih par” chiahnak ding ah bomb an rak hmanh, bomb cu an rak puahko nain Mr. Chun Doo-hwan cu Martyr hall a rak phanh rihlo caah a rak luat diam.
Nain, Cu bomb puah ruang ahcun Martye hall a rak phan hmasami S. Korea vuanci pawl tel in minung 40 leng an nunnak a rak liam.
Mr. Chun Doo- hwan a thih ahhin kum 90 a si tiah Reuters nihcun a langhter.
