Remdaihnak Ceihhmai Ding In Ralhrang Nih Sawmnak Tuah
Myanmar ram chungah Democracy le Federal hngat chan in a dir mi Pyidaungsu dirh ding ah zungzal daihnak ceihhmainak ah i tel cio dingah ”black list” i chiahmi hriamtlai telh loin a dang tlangcung hriamtlai paoh kan in sawm hna tiah February 6 ah SAC ralhrang nih cathanh a chuah.
Combodia Vuancichoh Myanmar a rat lio i kahhnih hnatlaknak an ngeihmi ah ai telmi ”Myanmar ramchung ah Tukum dongh tiang Kahdohnak ngol ding timi le SAC Chairman nih Kumthar biacah ah a chimmi tukum chung ah daihnak kar kan hlang la ti a rak chim mi hna zong an cathanh ah an telh chih hna.
A ra dingmi Pyidaungsu Ni tuah pah ah Zungzal daihnak kong ceihkhan chungnak kan tuah chih lai tiah an chim.
Ralhrang nih uknak an lak hnu in Lamzawhmi mino hna cu an thahnawn hna caah mino tampi nih hriam tlaih in PDF an dirh i ramchung ah kahdohnak fak tuk a chuak, Ralhrang he daihnak minsen thumi Kachin, Karenni(Kaya) Karen le Chin ralkap hna nih PDF/ CDF dirpi in ralhrang cu an si khawh chung in an kah ve hna.
SAC ralhrang nihcun PDF cu Ralhrang cazin(Black list) ah a khumh ve hna i anmah training a petu tlangcung hriamtlai pawl cung ah sual phawtnak zong a chim.
VOA
