Assam chief minister Sarbananda Sonowal nih a tulio ah a buai cuahmah mi Mizoram le Assam rami buainak kong ah nizaan (zarhpi ni) ahkhan Mizoram CM Zaramthanga cu phone in an i chawn.
chief minister Sonowal le Zoramthanga chawnhnak ahhin ramri kong ah thuk deuh in kan ttuanti lai timi an caih ti a si. Chief minister Sonowal nih Prime Minister Narendra Modi rianttuan chung ahhin India North East ahhin thanchonak tampi a um nain, remdaihnak thancho ter ding a herh tiah a chim.
Mizoram CM Zoramthanga zong nih remdaihnak le ramkulh pahnih hmunkhat rianttuan ding ah bia a kamh.
Kan hnu zarhte zaan ahkhan Assam’s Cachar district Lailapur khua le Mizoram Kolasib district chung Vairengte ah ramri kong buainak fak ngai a chuak i, mizo mi a tlawmbik minung 4 fak ngai in an hliamh hna.
Assam ram le Mizoram buainak ruang ah lam a pit i, Lawngtlai District ah Laimi hna cu Chin ramkulh chung lei ah rawlphiar dingin an i tim tiah Chin ramkulh Local Media hna nih an chim.
Source: Dailyhunt
