Ralzam Caah Rupee Ting 380 Mizoram Cozah Nih A Hman Cang
Mizoram chung i a rak i dormi ralzam hna bawmhnak caah Mizoram cozah nih India Rupee ting 380 kan hman cang tiah Interior Minister Pu Lalchhamliana nih a chim.
Pu Lalchhamluana nihcun kan hnu thla February 12 tiang Mizoram Cozah cazin ning ah Mizoram ah ralzam 24289 an um i anmah caah India Central cozah nih Mizoram cozah sin ah indirect in bawmhnak a pek hna tiah March 9 Hluttaw meeting ah dohkalhtu Party hna i an biahalnak ah a tu bantuk in a leh hna.
”Ralzam hna caah kan hmanmi rupee ting 380 cu Mizoram district kip i a ummi Deputy Commissioner (DC) kip in kan pek hna i ralzam camp an saknak, meihri an bunh piak hna, Ti chiahnak, Ekinn(Toilet) Ihphah: Sii-ai pawl le eidin pin ah phaisa zong in kan pek hna” tiah Minister Lalchammliana nihcun a chim.
Mizoram cozah nih Febuary 12 tiang a record ning ah ralzam 24289 a ti nain a tlawmbik minung 30000 cu Mizoram ah rakzam in ai dormi an um lai tiah zumh a si.
Ralzam hna cu Cozah le Khuami nih sakpiakmi ralzam camp ah a tamdeuh an um i mah tein inn ai hlanmi le chungkhat inn ah ai dormi zong an um hna.
Ref: Khohnumthung
