Ralhrang Kahmi Hriamngan Anmah Sin Lila Ah Tla,Thi le Hliam An Tam
Sagaing ramthen, Gawlin peng, ChaungNya khuafonh chung Ukgan khua ah umhmun khuarmi ralhrang nih nizaan,Nov 11 ah Gawlin PDF pawl cu hriamngan in an kah hna nain anmah sakhan lila chungah a tlak caah a thimi le hliammi an tam tiah theih a si.
Ukgan khua ah umhmun khuarmi ralhrang hna nih ralkap 200 lengin Ukgan khua hnulei in ral hmaiser in an kal nain Gawlin PDF nih Pyauhkyar (ပြောက်ကျား) bakin an rak kah hna caah ralhrang nih hriamngan in an kah hna nain anmah umnak sakhan chungah tla in a puak tiah anmah lei thawngzamhnak nih a langhter.
Hriamngan tla in a puah ruangah hliam tuartu ralhrang hna cu ChaungNya siizung ah an kalpi hna i, an ruak zong an thiarmi hmuh an si caah a thimi an tam lai tiah an ruahdamh.
Nawlngeihnak latu ralhrang nih Sagaing ramthen chungah kahdohnak a zualter ngaingai pinah hriamngan he vanlawng tiang hmangin mipi runvengtu PDF hna cu an kah hna pinah khuachung ah lut zau in sakhan an tuah pinah khuami hna cu i khamnak caah an hman hna tiah theih a si Than Lwin nih ttial.
