Ralhrang Helicopter Ai Phakzawh Lo Caah Hakha Khua Um Non- CDM Pawl An Rianhmun Ah An I Tthial Kholo
Chinram, Hakha khua ah ummi Non-CDM pawl chung ah a cheu cu riantthial ding, Rank kaimi le Pension lak ruang ah hmundang ah ai tthial ding pawl cu Helicopter ai phanhzawh lo caah Hakha in an i tthial kholo tiah theih asi.
A ruang cu riankai ruang le riantthial ruang ah hmundang ai tthial ding Non- CDM pawl cu ralhrang nih mawtaw kal an sianh hna lo i Helicopter lawng in an rak thiar tawn hna.
“Hakha ah Non- CDM hmundang ai tthial dingmi tamtuk an taang rih, hmundang an i tthial tik ah mawtaw kal an sianh hnalo i Helicopter in an phurh tawn hna minung le antam Helicopter le a chel caan te lawng a phanh tik ah, ai hrengmi an tam ”tiah Pyine zung he ai naihniammi pakhat nih a chim.
Chinram in pension lami an tamtuk pin ah rianngei mirum pawl nih an tlunkhawhnak ding ah Helicopter hman khawh ve ding in zik an nawh hna ti zong a chim chih.
Chinram in ramleng pehtlaihnak Hakha- Falam- Kalay lam le Hakha – Gangaw lam cu Chin ralkap CNA le CDF nih an pen dih cang.
Ref: Mizzima
