Paletwa le Rakhine chaklei kap hmun 3 ah kahdohnak a chuak,SAC ralkap lei in 37 an thi i hraimnam pawl an lak khawh
Chin ramkulh,Paletwa peng le Rakhine ramkulh chaklei kap humn 3 ah August 13 le 14 nihnih chung SAC ralkap he kahdohnak a chuak i SAC ralkap lei 37 an thi.Hriamnam tampi zong an lak khawh tiah AA nih nizaan ah cathanh an chuah.
August 13 zinglei ah Rathedaung peng,Done Paik khua chaklei kap ah a um mi SAC ralkap le ramri hngak ralkap i fonh in AA phu umnak lei ah rallamsial ding in an rat ruang ah sml 2 deng kahdohnak a chuak i SAC phu fonh in 31 an thi.AA ralkap lei zong in hliam hmu mi an um tiah an langhter.
August 13 chun ah Maungdaw peng,Kyaukpandu khua pawng SAC ralkap ခလရ(၂၇၀) phu he kahdohnak a chuak.SAC ralkap lei in 6 an thi,tam hliam an hmu i AA ralkap lei in 2 hliam an hmu tiah theih a si.
Cu leng ah SAC ralkap ခလရ(၃၅၂) phu nih AA ralkap phu an umnak sakhaan lei ah an doh hna ruang ah kahdohnak a chuak i SAC ralkap he zaan sml 8 tiang an i kap tiah cathanh an chuah.
Kahdohnak chung ah SAC ralkap sinin MM 60 pakhat,MA-3 pahleinga,MA-1 paruk,MA-4 pahnih,a dang hriamhme pali,pistol pathum,biachawnnak seh pakhat,drone pahnih,ဆက်သွယ်ရေးဂြိုလ်တု phone pakhat,bomb 30 telh in ral ah hman mi thilri pawl,zen le kuan pawl,sii, ei/din tampi kan lak khawh tiah AA nih cathanh an chuah.(Crd.Ayeyarwaddy Times)
