CBN News, 10 Oct 2020: Singapore rammi, tukum October ni 1 thawk in Kum 2022 September 30 karlak chungah fa (bawhte) a ngeimi paoh paoh Singapore dollar S$3,000 bawmhnak pek an silai tiah Singapore cozah nih nizan October 09 ah khan thawng a thanh.
Hi bawmhnak hi Covid-19 pandemic ruangi Singapore rammi harnak theihthiampinak ah tiah hlut dingmi a si.
October 01 thawk in kum 2022 September 30 karlak ah fa a ngeimi paoh paoh sin ah hi bawmhnak S$3,000 hi pek an silai i, hi pin ah cuhlan i Singapore cozah nih rammi bawhte zohkhenhnak caah tiah Phaisa laksawng a rak hlut tawnmi ‘Baby Bonus Cash gift’ zong an ngah thiam thiam lai tiah an thanh chap.
Nizan Oct 09 i Singapore cozah nih, Covid-19 pandemic hnu, kum 2022 September 30 tiang nuva fa angeimi bawmhnak khuakhannak a ngeihmi ah hin, bawmhnak thar S$3,000 le ‘Baby Bonus Cash gift’ he a dihlak fonh ah cun, nuva fa angeimi hna nih S$10,000 tiang bawmhnak an ngah khawh.
Bawmhnak pekning ding cu: Nuva hna nih sizung ah fa an ngeih le cangka S$3,000 hi direct in an chungkhar Bank Account ah deposit cawlh a silai, hi hnu ah ‘Baby Bonus Cash gift’ hi a cheu chum a cheu chum in zarhkhat hnu zarh khat pek an silai.
CBN News
