Shan ram chaklei Nawnghkio khuapi i a hnu bik SAC sakhaan a taang mi No.66 missle battalion sakhaan in Chief Strategist (Byuhahmu) le battalion commander hna hliam an tuar caah cuka hmunkhuar SAC ralhraang vialte cu an zam viar i Nawnghkio peng zapi in TNLA hruaimi dothlennak phu nih an laak cang tiah theih a si.
Cu sakhaan bawm dingin Naypyidaw in an thlah mi SAC IB 302 battalion ralkap hna zong an zam viar ve tiah theih a si.
“Nawnghkio khuapi hrambunh SAC 606 missile battalion i byuhahmu le battalion commander hna tiang in hliam an tuar caah ramtang panhin an zaam,Naypyidaw in raltuk bawm dingah an thlah mi hna IB 302 ralkap hna zong an zam viar ve hna.” tiah Naypyidaw thawnghram pakhat nih Khit Thit media ah a chim.
Hi kong he pehtlai in “Nawnghkio um 606 missle battalion sakhaan an laak timi thawngpang ground lei in thawng kan thei kho rih lo” tiah TNLA chim nak nawl ngeitu nih a chim ve.
Nawnghkio peng um SAC ralhraang sakhaan hna hi a luancia Nune 25 khan TNLA le ttangti phu hna nih doh hram an thok i SAC IB 115 battalion sakhaan,Palik sakhaan,Kankaw sakhaan, KheMon sakhaan,Kyaukkyan sakhaan,Sii –inn,Sehzung,tlanglawng dinhnak,Shwe Nyaungpyin le Ungmati sakhaan hna cu June 25 le 26 ah khan an rak laak.
June 28 ah SAC ralhraang i IB 114 battalion sakhaan an laak i nizan July 9 ah No.606 missile battalion sakhaan an laak caah Nawnghkio peng cu TNLA kut chung a phaan cang tiah theih a si.
