Karen ramkulh,Myawaddy khua hngak in a taang mi SAC Infantry Battalion 275 sakhaan cu nizan April 10,zaan slm 10 tluk ah laak a si i SAC diviosion 44,Brigadier general telhin ralkap 200 tluk cu Thailand-Myanmar hawikomhnak hlei lei panh in an zaam tiah KNU chimphuannak nawl ngeitu Pado-Saw-Taw-Ni nih a chim.
“Nizan zaan slm 10:00pm tluk ah IB 275 cu kan laak,SAC division 44 hruaitu le a hnuzul hna cu ramri hlei lei panh in an zam hna” tiah a chim.
A tu ah SAC nih Myawaddy le Kawkareit lei a panh mi lamkip in ralkap thazaang a chap ve cuahmah,Kawkareit ah hrambunh in Myawaddy tuk than a timh cuahmah tiah theih a si.
“tuzing slm 5:00 tluk ah Hpa-An hrambunh SAC 201 battalion in motor 30 tluk cu Asia lampi in a kal,slm 6 tluk ah khan a dang 20 tluk a kal than” tiah Hpa-an News nih a langhter.
Cu leng ah Kawkareit,Gyaing Hlei lei panh in SAC raltuknak tilawng a lianmi 3 a kai i Ke zong in Myawaddy lei a kai mi SAC an um hna tiah theih a si.
