Chin ralkap CNA le CDF phukomh hna nih an rak laak cang mi Rihkhawdar khua ah Assam Rifle ralbawi pakhat le a hnuzul minung 10 tluk hna cu nihin January 17 zinglei sang ah an rak lut tiah theih a si.
“Myanmar caan zinglei slm 10:00 tluk ah Helicopter 2 cu Zokhawthar pumpululh bual ah a ttum,kan hmuh ka cu kan lau ngai a tu bantuk voikhat ttum ah pahnih a ttum bal lo caah.Rih khawhdar ah an rak lut i Lahwahkah zunghmai park tiang an kal hnu ah an kir than i ramri hleidonh hman an i thlak pi hnu ah an kir than” tiah khuami pakhat nih a chim.
Ram a that lio ah cun ram khel kong he pehtlai in ralthuam he tonnak an ngei tawn ko nain a tu bantuk ram buaibai hnu ah cun a voi khat nak a si.
Zokhawthar YMA hruaitu pakhat nih cun “Ka ruahnak ah Assam Rifle i General pakhat cu a si ko,Ramri kongkau le rithaisi kong ah a rat a si ko lai,Assam Rifle cu ralkap an si lo,Inida cozah nichuah chaklei department of Interior kuttang um mi an si hna.ralthuam he a rat mi cu Myanmar lei in a ra mi zong ralthuam he an rat awn ve ko.nain ramri lonh ah cun hriam i ken a ngah lo” tiah Zalen ah a chim ve.
India cozah pi nih kan hnu zarh hrawng ah khan Myanmar ramri vialte kulh ding in timhlamh nak an ngeih kong an rak chim i Mizoram cozah nih an duh lo kong an rak langhter ve.
