Mr. SaSa Gawa Myanmar Kalmi Hi Japan Cozah Ai A Awhlo Tiah Foreign Minister Nih Chim
Nippon Foundation Chairman simi Mr. SaSa Gawa Myanmar ram a tlawnnak hi mah rianherh ah a kalmi si caah Japan Cozah palai dirhmun in a kalmi asi hrimlo tiah Japan Foreign Minister (Ramdang le Vuanci) simi Yoshimasa Hayashi nih a chim.
Mr. SaSa Gawa khualtlawnnak he pehtlai in Japan Cozah ramdanglei pehtlaihnak zung nih tawlrelmi asi lo bantuk in a khualtlawnnak ah a tuahsermi siseh a biachim a holhrel mi vialte zong Japan cozah ai a awh lo i Japan Cozah aiawh zongin bia a chim awh asilo tiah Yoshimasa Hayashi nihcun achim.
Ralhrang Thawngzamh media pawl nihcun Mr. SaSa Gawa cu Japan cozah aiawh in a ra i ”Ramhnih karlak rianttuan ttinak kong Min Aung Hlaing he an i ceihhmai tti tiah an ttial.
Mr. SaSa Gawa cu 2020 Myanmar thimnak tuah lio ah a mah pumpak a rak ra i ngiatthlainak a tuah tik ah 2020 thimnak result hi a dikko tiah a rak pom.
