MNDAA nih Shan ram chaklei Kokang hmunram Laukkai peng chung thenhlimhnak an tuah i hriamnam phunphun zun 631 an laak leng ah phungning loin Online in rian a tuan mi minung 23 zong an tlaih hna kong February 5 ah an thanh.
Hriamnam an laak mi hna hi Hriamngan hna telh in auto rifle meithal,Laucher,Machine gun phunphun le kuanzen tampi an si.
MNDAA nih 1027 Operation chung ah SAC ralkap sakhaan 300 tluk an laak.Laukkai,Chin Shwe Haw,Moe Koe le Kone Kyan khuapi hna zong an laak.cu leng ah SAC Army Tank, bomb phir kahnak,Howitzer,Machine gun phunphun le hriamnam phunphun a thong leng in an rak laak fawn.
