CBN New, 10 Nov 2020: Mizoram, Laimi khuapi Lawngtlai district mino lente celhnak sersiam le hlunhlai ternak ding Sport project caah Mizoram cozah, Chief Minister Pu Zoramthanga nih nizan cawn nikhatni ah khan phaisa ting 12,044 (Million thawng 12) hlutnak hawnnak a ngei.
CM Pu Zoramthang nih a chimning ah mino tampi nih Sport (lente celhnak) hi uusa an pek a herh, taksa ngandamnak caah lawng silo in pawcawm kawlhawlnak caa tiang ah Sport hi i rinhcanh awk tlak a si tiah a chim.
Mizoram sport Minister Pu Robert Romawi zong nih mino mna cu sport lei ah ruahnak lungthin pe dingin forhfialnak bia a chim.
