Mandalay khuapi Chan Aye Thar San Myo chungah a ummi tamhmoihnak dawr (Beauty Saloon) pakhat a kang i, kum nga hngakchia te telh in minung panga a ciam pi hna tiah theih a si.
Zahan (October 13 zaam) suimilam 12:00 Am hrawng ahkhan hi dawr hi a kangh a si tiah ruah a si. Chan Aye Thar San Myo chungum 35th Street le 86th Street karlak ah a ummi tamhmoihnak dawr a si.
Mandalay meithat zung nih mawtaw 10, tiphurtu mawtaw panga, meithattu minung 36 le reserve minung 66 hna nih an rak zuan hnawh i, Suimilam 12:10 Am ah an thah khawh ti a si. Hi meikanghak nak chung ah kum nga hngakchia pakhat, kum 13 tleirawl pakhat, kum 45, kum 20, le kum 32 nu hna an zapi mei nih a ciampi hna.
Hi meikanghnak hi an inn electric main box ah mei a linh tuk ruangah a kang i, lam naih bik sofa thutdan cung ah mei a tlaih hnu ah a kangmi a si lai tiah an zumh.
Hi tammoihnak dawr hi pe 12×20 a kaumi a si i, an innvam le an dawr thilri tampi zong nih mei a ciampi hna. A thi mi minung zong hi meikhu hak ruang ah an thih a si tiah an zumh. Dawr ngeitu cu palik nih taza an cuai lai tiah theih a si.
