Malaysia Simcard company 6 Rm 700,000 dan tat an si

CBN News, 07 Oct 2020 : Malaysia Simcard company hna lakah Company 6 cu an Company Simcard cawtu hna an min le an konglam felfai te in Register an tuah lo ruangah Malaysian Communications and multimedia commission (MCMC) nih Rm 700,000 liam dingin dan an tat hna.

MCMC upadi ah hin mi zei paoh nih Simcard an cawk tik ah an min le an sining (e.g Passport, IC tibantuk) information felfai te in Register tuah hmasak hnu lawngah Simcard cawkter ding an si, cupin ah minung pakhat nih Simcard 5 leng cawk/ngeih a ngah lo, hihi ralhrang le thil poipong sual ah ram le mipi venhimnak dingah tiah cozah upadi sermi a si.

MCMC nih dan atatmi Simcard company hna nih hin an Simcard cawtu hna information felfai tein register an tuah hna loh i dawr thilri cawk sawsawh bantuk in an cawkter hna.

Simcard register tuah lo i zuartambik tu cu Umobile Company a si, Umobile company hi MCMC nih Rm 250,000 dan an tat. A changtu ah Celcom le Tune Talk an si i Rm 150,000 veve tantat an si.

Maxis Rm 100,000 dantat a si i YTL Rm 40,000, Tune Plus Rm 10,000 in hi Simcard Company hna hi Simcard cawtu information register tuah lo ruangah dantat an si.

CBN News