CBN News, 09 Oct 2020: Malaysia ram i Myanmar mi, Kum 2020 Myanmar election caah vote thlak kho dingi register tuahmi hna cu 9 Oct 11 tiang Myanmar ram cozah election caah vote thlak cia khawh a si cang.
Malaysia ram ah hin Myanmar mi 600,000 hrawng an um, cheukhat cu phungning te i a ummi an si i cheukhat cu phungninglo (Visa/passport tettan dih cangmi) le ralzam dirhmun in a um mi an si hna.
Kum 2020 Myanmar rampi cozah election ah Malaysia ram i a um mi Myanmar mi vote thlak kho ding Malaysia-Myanmar Embassy ah register tuahmi h a hi minung 6,000 hrawng an si.
Covid-19 pulhrai ruangah Malaysia hmun cheukhat cu Distric leng chuah khapnak MCO order a um ruangah Myanmar Election i vote thlak kho dingi register tuahmi minung 6,000 chungin 80% lawng Vote thlak kho ding ah ruah an si.
Myanmar election vote thlakkhawhnak ding polling station cu Malaysia ramchung hmun 4 ah on a si: Singapore ramri Johor, Thailand ramri Penang, Sabah le Kuala Lumpur ah Vote thlaknak Polling station on a si.
Malaysia ram i Myanmar mi Vote hna cu a caan te ah Election Commission of Myanmar, Naypyidaw ah kuat a si lai.
CBN News
