CBN News, 03 Oct 2020 : Malaysia ramchung ah Covid-19 case thar hmuhchap mi karh lei a panh than ruangah Malaysia Cozah nih nawlbia thar a chuah i 03 Oct 2020 Zarhteni zan thawk in Palik road block a um pah cang lai.
Malaysia ramchung ah MCO le Total Lockdown kalpi a silo nain Covid-19 karhding vennak ah zulhphung sermi, Facemask lo i khawlak chuahvah, a bu bu i um kal le Social distancing zulh phung tete mipi nih an zulh le zulh lo ngiathlaitu palik chawkvak an tam than lai.
Abik in Malaysia, Sabah ah Covid-19 i chonhbarhnak a um ruangah Sabah cu 03 Oct 2020 Zarhteni thawk in Distric pakhat in Distric dang ah tlawn le luhchuah khap a si.
Distric pakhat in Distric dangah nichiar rian a tuanmi le duhherh dangah luhchuah lo awk atha lo mi nih Medical health certificate le an riantuannak tehte pakhat khat i ken ding.
Malaysia cozah nih thawngthar a thanhmi ah hin MCO le Stay at Home nawlbia a um loh, Dawr zong zalawng te in awn khawh a si, rian zong tuan khawh a si, a sinain Sabah tu ah cun Distric leng i chuah le luh khap a si.
CBN News
