Australia ah khua a sa cuamah mi kum 12 tluk laipa pakhat cu vawlei cung minthang ngai a si mi Juventus pumpululh phu ah pumpululh chui dingin minthut (Contract) nak an ngeih tiah theih a si.
Juventus he contract a laa mi cu Pa Joseph Mara Laichhie a si i a tu ah Australia Juventus academy ah a chui cuahmah i a ra lai mi season ah Italy hrambunh Juventus mino phu sin ah a phan te lai.
Joseph Mara Laichhie cu Chin ramkulh,Thantlang peng Ngaphaipi khua mi Pu Rung Ceu Khaimeichho le Nu Toklengtiang hna i an fapa a si i Ngaphaipi khua ah a chuak mi a si.
Juventus phu cu pumpululh chuih an rak thok nak in kum 120 an tling cang i vawleicung pumpululh phu ah a pical ngai mi an si. Joseph nih Juventus mino phu ah a thiamnak a chuah khawh chin lengmang ah cun a caah hmailei lamtampi a um mi a si.
