Kyiv Khuapi Cu Rissia Nih Fak Tuk In A Den, Nuclear Ral A Thawh Dingmi UN A Thinphang
Ukraine khuapi Kyiv khuapi cu March 14 zaan ah Russia nih vanlawng in fak ngai in a kah caah inn a rawkmi an tam, Inn a rawkmi tang ah minung 35 cu him tein kan chanhchuah khawh hna tiah Ukraine nih a thanh.
Russia nih Ukraine khuapi Kyiv vanlawng in a kah ruang ah a rawkmi inn hna cu Sviatoshynskyi District ah dot 26 a sangmi inn 2, Podilkyi District ah dot 10 a sangmi minung umnak inn , Darnytskyi District ah inn pakhat le Lukyanivska vawleitang tlanglawng dinhnak hna an si i tlanglawng lam ticu caanhman in tlanglawng ai choklet rih ko tiah Kyiv khua ukhruaitu phu nih a thanh.
Russia nih Ukraine a tukning zohtik ah Nuclear ral a tho kho dirhmun kan phan i lungre a thei ko tiah UN General Secretary Antonio Guterres nih March 14 ah a chim.
