Kyaukgyi kahdohnak ah SAC ralkap buhmu Wei Myo Aung telh in ralkap 30 hrawng an thi,KNU nih an kah mi helicopter cu August 9 tiang zunag kho lo in a dir
KNU brigade-3 uknak hmun Nyaunglaypin pengkomh,,Kyaukgyi peng,Kyauksayit khua lei August 7 zaan ah SAC rallamsial ralkap le KNLA brigade-3,battalion-9 phu kar kahdohnak ah SAC ralkap buhmu Wei Myo Aung telh in ralkap 30 hrawng an thi tiah KNLA sinin theih a si.
August 7 zaanlei Kyauksayit pawng ah an rak kai lio ah kan doh hna i ralkap 30 hrawng an thi.Mah pawng ah an phum mi hna an tam pi.August 8 zinglei ah SAC ralkap nih hriamngan in an kan kah.Kan nih lei zong nih MM 40 in kan kah ve hna” tiah KNLA brigade-3,battalion-9 news nih a chim.
Kyauksayit khua pawng kahdohnak ah ခမရ-၃၅၀ battalion uktu pahnihnak buhmu Wei Myo Aung cu a thi i cu ka hmun cu KNLA phu nih target chiah in an hngah caah SAC ralkap pawl nih an ruak an rak la ngam hna lo.August 8 zinglei ah cu ka hmun cu hriamngan in an kah,vanlawng nih kah an rak bawmh hna i helicopter in an ruak an rak char hna.Cu an ruak rak la mi helicopter 1 cu an kah i Kanyainkyu khua sianginn pawng ah a tum i a tu tiang an dir ko tiah KNLA news nih a chim.
August 8 zinglei ah Nyaunglaypin pengkomh,Kyaukgyi peng chung ah valawng 2 in an rak kah.Helicopter 1 cu KNLA battalion-9 nih an kah i seh thilri a rawh ruang ah Kanyainkyu khua sianginn hmun chung ah a tum tiah KNU nih cathanh an chuah.
Kahdohnak a cannak hmun pawng hrawng um Petaung.Lingpin,Kyauksayit,Taungpu,Intaingkone le Tawkyaungpoh khua i khuami pawl cu himnak hmun ah an tli tiah KNU nih cathanh a chuah.(Crd.Khit Thit Media)
